कोरोनाका कारण थप एक जनाको मृत्यु

काठमाडौँ- पछिल्लो २४ घण्टामा कोरोना संक्रमणका कारण एकजनाको मृत्यु भएको छ। स्वास्थ्य तथा जनसंख्या मन्त्रालयका अनुसार देशभर ८२ जना कोरोना संक्रमित थपिएका छन्। एकहजार ६३४ वटा नमुना परीक्षण गर्दा ८२ जनामा संक्रमण पुष्टि भएको हो।

नेपालमा कोरोनाका कारण मृत्यु हुनेको संख्या १२ हजार २८ पुगेको छ। आज ६५ जना संक्रमणमुक्त भएका छन्। योसँगै सक्रिय संक्रमितको संख्या ३६१ पुगेको छ।

आजसम्म २९ जना अस्पतालमा भर्ना भएका छन्। तीमध्ये पाँचजना आईसीयू र एकजना भेन्टिलेटरमा उपचाररत छन्।