विमान दुर्घटनामा परेका ७१ जनाको शव भेटियो, एकको अवस्था अझै अज्ञात

काठमाडौँ– पोखराको सेती खोचमा माघ १ गते भएको जहाज दुर्घटनामा परेका थप एक जनाको शव फेला परेको छ। मंगलबार दुर्घटनास्थलदेखि करिब तीन सय मिटर तल एक महिलाको शव भेटिएको नेपाल नागरिक उड्डयन प्राधिकरणले जनाएको छ।

प्राधिकरणका अनुसार हालसम्म दुर्घटनामा ७१ जनाको भेटिएको छ। एक जनाको अवस्था अज्ञात छ। आइतबाट काठमाडौँबाट पोखराका लागि उडेको यती एयरलाइन्सको एटीआर ९–एन एएनसी विमान सेती खोचमा दुर्घटना परेको थियो।

विमानमा ६८ यात्रु र चालक दलका चार जना सवार थिए। विमान दुर्घटनाको विषयमा अध्ययन गर्न सरकारले जाँचबुझ आयोग बनाएको छ। एटीआर निर्माण कम्पनीबाट पनि ९ सदस्ययीय टोली घटनास्थल पुगेर अध्ययन गरिरहेको छ।