हिमाल प्रेस 
काठमाडौँ– दिगो पर्वतीय पर्यटनसम्बन्धी तीन दिने अन्तर्राष्ट्रिय सम्मेलन चन्द्रागिरि हिल्स रिसोर्टमा बिहीबारबाट सुरु भएको छ।
संस्कृतिक, पर्यटन तथा नागरिक उड्डयानमन्त्री जीवनराम श्रेष्ठले सम्मेलन उद्घाटन गरेका छन्। उद्घाटन कार्यक्रमलाई सम्बोधन गर्दै मन्त्री श्रेष्ठले सम्मेलन नेपालको पर्वतीय पर्यटनमा आवश्यक पर्ने नीतिगत परिवर्तनका लागि विशेष कोसेढुंगा सावित हुने बताए।
कार्यक्रममा संस्कृतिक, पर्यटन तथा नागरिक उडड्यन मन्त्रालय सचिव सुरेश अधिकारीले सम्मेलन नेपालको पर्वतीय पर्यटनमा सहयोगी हुनेमा विश्वास व्यक्त गरे।
सम्मेलनमा अमेरिकन भूगर्भविद् डा. आलटेन बायरले नेपालमा हुने पूर्वाधार विकास निर्माणको कामले पर्वतीय पर्यटकीयस्थल लोप हुँदै गएको र यस्ता स्थान संरक्षण गर्नुपर्ने बताए।
नेपाल पर्यटन बोर्डका प्रमुख कार्यकारी अधिकृत डा. धनञ्जय रेग्मीले तीन दिने सम्मेलनमा एक सय पर्यटनकर्मी र वैज्ञानिकलगायतको सहभागी हुने जानकारी दिए।
उनले दिगो पर्वतीय क्षेत्रमा भएका विभिन्न अनुसन्धान र विश्व जलवायु परिवर्तनको समयमा पर्वतीय पर्यटन क्षेत्रका समस्या समाधान बारेमा छलफल हुने धारणा राखे।
