‘नेपाल टेलिकम तीजको लहर टिकटक च्यालेन्ज’ प्रतियोगिता सुरु

काठमाडौँ- नेपाल टेलिकमले ‘नेपाल टेलिकम तीजको लहर टिकटक च्यालेन्ज’ प्रतियोगिता सुरु गरेको छ।

टेलिकमको आधिकारिक टिकटक एकाउन्टमार्फत उक्त प्रतियोगितामा सहभागी हुन सकिने टेलिकमले जानकारी दिएको छ। तीजको लहर गीतमा टिकटक बनाउनुपर्ने मापदण्ड तोकिएको छ। च्यालेन्ज आइतबारदेखि सुरु भइसकेको छ। असोज ७ गतेसम्म च्यालेन्जमा सहभागी हुन सकिनेछ।

विजेताहरूलाई नगद र अन्य पुरस्कारको व्यवस्था गरिएको कम्पनीको भनाइ छ। च्यालेन्जमा पहिलो हुने विजेताले ४० हजार, दोस्रोले २० हजार र तेस्रोले १० हजार नगद पुरस्कार पाउने छन्।

त्यसैगरी सान्त्वना पुरस्कारको रूपमा १० जना सहभागीलाई ५ सय रुपैयाँको टपअप दिइने टेलिकमको भनाइ छ।