हिमाल प्रेस 
काठमाडौँ– माछापुच्छ्रे बैंक लिमिटेडले गत आर्थिक वर्ष ०७९/८० को चौथो त्रैमासिकको वित्तीय विवरण सार्वजनिक गरेको छ।
अघिल्लो आव २०७८/७९ को तुलनामा आर्थिक वर्ष ०७९/८० को चौथो त्रैमासिकमा बैंकको नाफा ९.७५ प्रतिशतले बढेको छ। चौथो त्रैमासिकमा बैंकको नाफा १ अर्ब ८५ करोड रुपैयाँ पुगेको छ।
बैंकले खुद ब्याज आम्दानी १०.४३ प्रतिशतले बढेर ५ अर्ब ३८ करोड पुगेको विवरण सार्वजनिक गरेको छ।
आव ०७८/७९ को चौथो त्रैमासिसम्म खुद ब्याज आम्दानी ४ अर्ब ८७ करोड रुपैयाँ थियो। बैंकको सञ्चालन नाफा पनि ९.९१ प्रतिशतले बढ्दै २ अर्ब ६९ करोड रुपैयाँ भएको छ।
नाफामा भएको वृद्धिसँगै बैंकको प्रतिसेयर आम्दानी पनि ९.७५ प्रतिशतले वृद्धि भएको छ।
आव ०७८/७९ मा माछापुच्छ्रे बैंकको प्रतिसेयर आम्दानी १६.४४ रुपैयाँ थियो। गत आवमा बढेर १८.०५ रुपैयाँ पुगेको छ।
बैंकको प्रतिवेदनअनुसार वितरणयोग्य नाफा १ अर्ब ५६ करोड छ। जसको आधारमा प्रतिसेयर वितरणयोग्य नाफा भने १५.२९ रुपैयाँ हुनेछ।
आव २०७८/७९ मा १.०४ प्रतिशत रहेको खराब कर्जा गत आवमा बढेर २.१२ प्रतिशत पुगेको छ।
