हिमाल प्रेस 
काठमाडौँ- बलिउड फिल्म ‘गदर २’ को ट्रेलर सार्वजनिक भएको छ। फिल्ममा अभिनेता सन्नी देओल र अभिनेत्री अमिषा पटेल मुख्य भूमिकामा छन्।
सन् २००१ मा आएको फिल्म ‘गदर : एक प्रेम कथा’को दोस्रो भाग हो। सिक्वेलमा सन्नी र अमिषा पहिलो भागजस्तै तारा सिंह र सकीनाको भूमिकामा देखिनेछन्। साथै उनीहरूको छोरा जिते सिंह पनि फिल्ममा हुनेछ। जितेको भूमिका उत्कर्ष शर्माले निर्वाह गरेका छन्। ट्रेलरमा जिते पाकिस्तानमा पक्राउ परेको र तारा उनलाई बचाउन जाने रोमाञ्चक यात्रा देख्न सकिन्छ।
अनिल शर्माको निर्देशन रहेको रोमान्टिक ड्रामामा मनिष वाधवा, गौरव चोपडा, लव सिन्हालगायत कलाकार पनि छन्। करिब ३ मिनेटको ट्रेलरमा भारतीय सेना र पाकिस्तान सेनाबीचको विवाद देखाइएको छ। फिल्म अगस्त ११ मा प्रदर्शन गरिनेछ।
प्रकाशित: ११ साउन २०८० १२:२९
प्रतिक्रिया
