हिमाल प्रेस 
काठमाडौँ– विशेष अदालतले आन्तरिक राजश्व विभागका पूर्वमहानिर्देशक चूडामणि शर्मासहित तीन जनालाई भ्रष्टाचारी ठहर गरेको छ। विशेष अदालतका न्यायाधीश श्रीकान्त पौडेल, यमुना भट्टराई र शालिग्राम कोइरालाको इजलासले मंगलबार शर्मासहित लुम्बध्वज महत र उमेश ढकालविरुद्धको मुद्दामा भ्रष्टाचार ठहर गरेको हो।
शर्मा आन्तरिक राजश्व विभागका पूर्वमहानिर्देशक हुन्। त्यस्तै महत कर फर्छ्यौट आयोगका पूर्वअध्यक्ष र ढकाल सदस्य हुन्। अदालतले तीन जनालाई ९ वर्ष कैद सजाय सुनाएको छ भने जनही ४ अर्ब १० करोड ४६ लाख ९७ हजार रुपैयाँ जरिबाना तिर्नुपर्ने फैसला गरेको छ।
अख्तियार दुरुपयोग अनुसन्धान आयोगले २०७४ साल असार १ गते यी तीन जनाविरूद्ध १० अर्ब ९६ करोड रुपैयाँ भ्रष्टाचार गरेको आरोपसहित विशेष अदालतमा मुद्दा दायर गरेको थियो।
प्रकाशित: ५ असार २०८० १८:३६
प्रतिक्रिया
