हिमाल प्रेस 
सांकेतिक तस्बिर।
लुम्बिनी- पाल्पामा आइतबार साँझ जिप दुर्घटना हुँदा तीन जनाको मृत्यु भएको छ। रूपन्देही सालझण्डीबाट अर्घाखाँचीको पणेना जाँदै गरेको लु १ च ९०२४ नम्बरको जिप रैनादेवी छहरा गाउँपालिका ८ सत्यवतीमा दुर्घटना भएको हो।
क्षमताभन्दा धेरै यात्रु बोकेको जिप अनियन्त्रित भएर करिब ७० मिटर तल खसेको हो। दुर्घटनामा परी ३ जनाको घटनास्थलमै मृत्यु भएको र १२ जना घाइते भएको रैनादेवी छहरा ८ का वडाअध्यक्ष रेमबहादुर रानाले जानकारी दिए।
स्थानीय, इलाका प्रहरी कार्यालय भुझुङ, प्रहरी चौकी बल्ढेङगढी र इलाका प्रहरी कार्यालय सालझण्डीको टोलीले घाइतेको उद्धार गरेको छ। मृतकहरूको शव पनि पोष्टमर्टमको लागि बुटवल ल्याइएको छ। मृतकको पहिचान खुलिनसकेको प्रहरीले जनाएको छ।
प्रकाशित: २१ जेठ २०८० १९:४३
प्रतिक्रिया
