हिमाल प्रेस 
काठमाडौँ- नेपाल बार एसोसिएसनले शान्ति प्रक्रियाको समयोचित निरुपण नभइरहेको परिप्रेक्षमा विभिन्न क्षेत्रबाट शान्ति प्रक्रिया एवं सम्बन्धित विषय र न्यायालयको नियमित क्षेत्राधिकार सम्बन्धमा उठिरहेका प्रतिक्रियाबारे ध्यानाकर्षण भएको बताएको छ।
बारका अध्यक्ष एवं वरिष्ठ अधिवक्ता गोपालकृष्ण घिमिरेले मंगलबार जारी गरेको प्रेस विज्ञप्तिमा आफ्नो क्षेत्राधिकारअन्तर्गतका विषयमा सरोकारवाला निकायले काम गर्ने नै हुँदा सोही विषयलाई लिएर भ्रमपूर्ण अभिव्यक्ति आएको पाइएकोमा बारको ध्यानाकर्षण भएको उल्लेख छ।
‘सङ्क्रमणकालीन न्याय निरुपण गर्न गठित आयोग एवं न्यायिक निकायले आ–आफ्नो दायित्व निर्वाह गरी कार्यसम्पादन गर्ने नै हुँदा ती निकायलाई प्रभावित हुने गरी यस किसिमका गतिविधि नगर्न÷नगराउनु हुनसमेत नेपाल बार एसोसिएसन सबैमा आह्वान गर्दछ’ विज्ञप्तिमा भनिएको छ।
शान्ति प्रक्रियालाई निष्कर्षमा पु¥याउने उद्देश्यले विगतमा भएको विस्तृत शान्ति सम्झौता, नेपालको संविधान तथा गठित सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगको काम, कर्तव्य र क्षेत्राधिकार उल्लेख रहेको भन्दै दुवै आयोगले आफ्नो क्षेत्राधिकारका काम गरिरहेको अवस्थामा शान्ति प्रक्रियालाई तार्किक निष्कर्षमा पु¥याउने र पीडितलाई उचित न्याय प्रदान गर्न सरकार र गठित आयोग नै जिम्मेवार हुन जरुरी रहेको बारको भनाइ छ। रासस
