हिमाल प्रेस 
काठमाडौँ- दैलेखको ठाटीकाँध गाउँपालिका-४ मा धारिलो हतियारको प्रयोगबाट घाइते भएका तीन जना महिलालाई नेपाली सेनाले हवाई उद्धार गरी थप उपचारका लागि सुर्खेत पुर्याएको छ।
गत कात्तिक २२ गते भएको घटनामा घाइते भएका स्थानीय तीन महिलालाई नेपाली सेनाको हवाई साधनमार्फत प्रदेश अस्पताल, सुर्खेत पुर्याइएको हो।
घाइते महिलाहरूलाई थप उपचारको आवश्यकता देखिएपछि नेपाली सेनाको हवाई साधनमार्फत उद्धार गरिएको जनाइएको छ।
उक्त जानकारी नेपाली सेनाको जनसम्पर्क तथा सूचना निर्देशनालयले दिएको हो।
प्रकाशित: २२ कार्तिक २०८३ १८:०४ | Sunday, November 8, 2026
प्रतिक्रिया
