हिमाल प्रेस काठमाडौँ- अभिनेत्री आँचल शर्मा अभिनीत हिन्दी गीत ‘तेरी मेरी दास्तान’ सार्वजनिक भएको छ।
म्युजिक भिडियोमा आँचलसँगै आरआर खड्का फिचर्ड छन्। आँचल र आरआर खड्कालाई राजा र रानीको भूमिकामा देख्न सकिन्छ।
गीतमा प्रेम र प्रेमका लागि गरिएको बलिदानलाई देखाइएको छ। भ्यालेन्टाइन्स डेको अवसर पारेर गीत सार्वजनिक गरिएको हो। गीतको म्युजिक भिडियोको निर्देशन नितिन चन्दले गरेका हुन्।
गीतमा प्रतीक्षा श्रीवास्तव र विनीत सिंहको स्वर रहेको छ। पुनीत गुरुरानीको शब्द रहेको गीतमा अभिनव मेहरको संगीत रहेको छ।
नेपाली म्युजिक भिडियोबाट चर्चा कमाएकी आँचलले ‘नाइँ न भन्नू ल ४’ बाट फिल्ममा प्रवेश गरेकी हुन्। उनले ‘शत्रु गते’, ‘जोनी जेन्टलम्यान’, ‘ब्ल्याक’, ‘दाल भात तरकारी’लगायत फिल्ममा काम गरेकी छन्।
पछिल्लो समय उनी अभिनीत फिल्म ‘झिंगेदाउ’ व्यवसायिक रूपमा निकै सफल भएको थियो।
