हिमाल प्रेस 
काठमाडौंँ- नेपालको पहिलो कमेडी एक्ट बेस्ड रियालिटी शो ‘सुपर कमेडी लिग’को औपचारिक घोषणा गरिएको छ । ओपन डोर्स इन्टरटेन्मेन्टले निर्माण गर्ने यो शो हास्य–व्यंग्यमा आधारित हुनेछ ।
शोमा महानायक राजेश हमालले लिग प्रेसिडेन्टको भूमिका निर्वाह गर्नेछन् । कलाकारहरू विल्सन बिक्रम राई, लुनिभा तुलाधर, रवीन्द्र झा र सुरक्षा पन्त क्याप्टेन तथा मेन्टरका रूपमा रहेका छन् ।
कार्यक्रमका लागि पाँच सहरमा अडिसन गरिने भएको छ । अडिसनबाट छनोट हुने ३२ जना प्रतिस्पर्धीलाई चार समूहमा विभाजन गरिनेछ । आठजनाको उक्त समूहको नेतृत्व चारजना क्याप्टेनहरुले गर्नेछन् ।
सुपर कमेडी लिग मूलतः समूहमा आधारित ढाँचामा प्रतिस्पर्धा हुने कार्यक्रम भएकोले एउटा स्क्रिप्टमा कम्तीमा दुईजना तथा आवश्यकता अनुसार सो भन्दा बढी प्रतिस्पर्धीले संयुक्त रूपमा प्रस्तुति दिनेछन् । पूर्वनिर्धारित विषय तथा थिममा आधारित प्रस्तुतिहरू मुख्यतः स्केच, स्किट तथा ड्रामेडी ९ड्रामा र कमेडी०लगायत शैलीमा प्रस्तुति तयार गरिने आयोजकले विज्ञप्तिमा उल्लेख गरेको छ ।
कार्यक्रमको नियमित प्रसारण भदौ अन्तिम सातादेखि सुरु हुनेछ ।
