हिमाल प्रेस 
प्रतीकात्मक तस्बिर।
बैतडी- घाँस काट्ने क्रममा ढुंगाले लागेर एक जनाको मृत्यु भएको छ।
मृत्यु हुनेमा दशरथचन्द नगरपालिका-१ की २२ वर्षीया अस्मिता भट्ट रहेको जिल्ला प्रहरी कार्यालयका प्रवक्ता प्रहरी निरीक्षक सुरज सिंहले जानकारी दिए।
उनका अनुसार सोमबार बिहान करिब ९:३० बजे सुर्नया गाउँपालिका-२ कैलडाँडा क्षेत्रमा घाँस काटिरहेका बेला माथिबाट खसेको ढुंगा लागेर भट्टको घटनास्थलमै मृत्यु भएको थियो।
घटनाबारे अनुसन्धान भइरहेको प्रवक्ता सिंहले बताए।
प्रकाशित: ११ साउन २०८३ १५:०४ | Monday, July 27, 2026
प्रतिक्रिया
