हिमाल प्रेस 
काठमाडौँ- कालीमाटी फलफूल तथा तरकारी बजारमा केही स्वास्थ्यवर्धक मानिने कृषि उपजहरूको मूल्य अत्यधिक उच्च देखिएको छ।
आज सार्वजनिक मूल्यसूची अनुसार सिताके च्याउ र सुकेको माछाको थोक मूल्य प्रतिकिलो रु १,००० कायम भएको छ। यो मूल्य बजारकै सबैभन्दा महँगो विलासी खाद्यवस्तु बनेका छन्।
च्याउ समूहअन्तर्गत नै डल्ले च्याउ प्रतिकिलो रु ४५० र राजा च्याउ प्रतिकिलो रु ३२० मा बिक्री भइरहेको छ। स्वास्थ्यका लागि निकै लाभदायक मानिने कुरिलोको मूल्य प्रतिकिलो रु ३५० पुगेको छ भने अकबरे हरियो खुर्सानी पनि प्रतिकिलो रु ३५० मै थोक बिक्री भइरहेको छ।
यसैगरी, मसला र फलफूलजन्य वस्तुमा सुकेको खुर्सानी प्रतिकिलो रु ४५० र अनार प्रतिकिलो रु ४२० मा कारोबार भइरहेको छ। यस्ता महँगा वस्तुहरू आम सर्वसाधारणको पहुँचभन्दा बाहिर रैथाने होटल, रेस्टुरेन्ट र उच्च वर्गीय उपभोक्ताको भान्सामा मात्र सीमित हुने देखिन्छ।
