हिमाल प्रेस 
सांकेतिक तस्बिर।
दार्चुला- अवैध लागू पदार्थसहित कपडा उद्योग सञ्चालक पक्राउ परेका छन्। पक्राउ पर्नेमा दार्चुला नौँगाड गाउँपालिका –२ घर भई कैलाली धनगढी उपमहानगरपालिका–३ चटकपुरस्थित गौरीशंकर अल्लो कपडा उद्योगका संचालक ३४ वर्षीय नरेन्द्रसिंह धामीसहित ४ रहेका छन्।
उनीहरूको साथबाट अवैध लागूऔषध चरेश ११ किलो ९ सय ग्रामसहित मंगलबार दिउँसो प्रहरीले पक्राउ गरेको छ।
विशेष सूचनाको आधारमा प्रदेश प्रहरी कार्यालय धनगढी र जिल्ला प्रहरी कार्यालय कैलालीबाट खटिएको संयुक्त टोलीले उद्योग तलासी गर्दा उक्त परिमाणको लागूऔषध र डिजिटल काँटा १ थान फेलापारी उनीहरूलाई पक्राउ गरेको कैलाली प्रहरीले जनाएको छ। त्यसबारे थप अध्ययन जारी रहेका प्रहरीको भनाइ छ।
प्रकाशित: १८ माघ २०७९ ८:०६
प्रतिक्रिया
