सिताके च्याउ किलोको हजार रुपैयाँ

काठमाडौँ- कालीमाटी फलफूल तथा तरकारी बजार विकास समितिले केही विशेष कृषि उपजको मूल्य उल्लेख्य रूपमा महँगो भएको जनाएको छ।

समितिले सार्वजनिक गरेको मूल्यसूचीअनुसार कन्य च्याउ प्रतिकिलो २६० रुपैयाँ, डल्ले च्याउ ४५० रुपैयाँ तथा राजा च्याउ ३२० रुपैयाँ कायम भएको छ। सबैभन्दा महँगो सिताके च्याउ प्रतिकिलो १ हजार रुपैयाँ पुगेको छ।

त्यस्तै कुरिलो प्रतिकिलो ५०० रुपैयाँ, कोइरालो ३५० रुपैयाँ, पार्सले ३०० रुपैयाँ र गुन्द्रुक पनि प्रतिकिलो ३०० रुपैयाँ तोकिएको छ।

ब्रोकाउली ११० रुपैयाँ, सजीवन १५० रुपैयाँ, सेलरी १२० रुपैयाँ, पुदिना ११० रुपैयाँ र इमली १८० रुपैयाँ कायम भएको समितिले जनाएको छ।

तामा र तोफु दुवै प्रतिकिलो १५० रुपैयाँमा कारोबार भइरहेको छ।