सवारी ज्यान मुद्दामा कैद सजाय तोकिएका फरार कैदी पक्राउ

काठमाडौँ- सवारी ज्यान मुद्दामा कैद सजाय तोकिएका फरार कैदीलाई रुपन्देही प्रहरीले पक्राउ गरेको छ ।

जिल्ला प्रहरी कार्यालय रुपन्देहीका सूचना अधिकारी प्रहरी नायब उपरीक्षक कृष्णकुमार चन्दका अनुसार, तिलोत्तमा नगरपालिका–१५, सखुवानीबाट २६ वर्षीय अजय थारुलाई मंगलबार पक्राउ गरिएको हो ।

प्रहरीका अनुसार, थारु गत भदौ २४ गते कारागार कार्यालय जगन्नाथदेवल, काठमाडौंमा भएको तोडफोड तथा आगजनीका क्रममा फरार भएका थिए । पक्राउ परेका थारुलाई आवश्यक कानुनी प्रक्रिया पूरा गरी कारागारमा बुझाइएको जिल्ला प्रहरी कार्यालय रुपन्देहीले जनाएको छ । रासस