हिमाल प्रेस 
दुर्घटनाग्रस्त बसमा सवार यात्रुको उद्दारका लागि जाँदै सशस्त्रको गोताखर टिम। तस्बिर : सशस्त्र प्रहरी बल
काठमाडौँ- काठमाडौँबाट ओखलढुंगाको पोकलीतर्फ गुडेको यात्रुवाहक बस दुर्घटनामा मृत्यु हुनेको संख्या ११ पुगेको छ।
नेपाल प्रहरी प्रवक्ता अविनारायण काफ्लेका अनुसार पछिल्लो अपडेटअनुसार ११ जनाको मृत्यु र ७ जना घाइते छन्।
प्रहरीका अनुसार खुर्कोट-मन्थली सडक खण्डको सेलेघाट नजिक बेनी मन्दिरछेउबाट प्रदेश ३-०१-००५ ख ९९७५ नम्बरको यात्रुवाहक बस मंगलबार बिहान पौने ११ बजे तामाकोशी नदीमा खसेको हो।
बस काठमाडौँबाट मन्थली, धोबी हुँदै ओखलढुंगाको पोकलीका लागि गुडेको थियो।
प्रकाशित: २७ माघ २०८२ १५:१६ | Tuesday, February 10, 2026
प्रतिक्रिया
