हिमाल प्रेस 
काठमाडौँ- राष्ट्रियसभा बैठकले पर्यटन विधेयक, २०८१ पारित गरेको छ। राष्ट्रियसभाको आज (सोमबार) को बैठकमा संस्कृति, पर्यटन तथा नागरिक उड्डयन मन्त्री अनिलकुमार सिन्हाले राखेको ‘पर्यटन विधेयक, २०८१ पारित गरियोस्’ भन्ने प्रस्ताव बैठकले सर्वसम्मतिले पारित गरेको हो।
बैठकमा उनले पर्यटनलाई विविधिकरण र प्रवर्द्धन गर्नका लागि विधेयक ल्याइएको बताएका थिए। यसै गरी बैठकले राष्ट्रियसभाका पूर्वसदस्य शुक्रराज संयोजकको निधनमा शोक प्रस्ताव पारित गरेको छ। नेपाली कांग्रेसबाट २०५४ सालमा राष्ट्रियसभा सदस्य निर्वाचित भएका संयोजकको यही माघ १९ गते ९० वर्षको उमेरमा निधन भएको थियो।
राष्ट्रियसभाको अर्काे बैठक यही माघ २८ गते दिउँसो १ः१५ बजे बस्नेछ।
प्रकाशित: २६ माघ २०८२ १७:२६ | Monday, February 9, 2026
प्रतिक्रिया
