हिमाल प्रेस 
काठमाडौँ- राष्ट्रिय स्वतन्त्र पार्टी (रास्वपा)की सांसद सोबिता गौतमले आफ्नो पार्टीकी सांसद इन्दिरा रानामगरलाई उपसभामुखमा प्रस्ताव गरेकी छन् ।
‘मानननीय इन्दिरा राना मगर उपसभामुखको कुर्सीमा बस्नु भनेको उहाँको योग्यताको मात्र कदर भएको होइन, बरु सम्मानित उपसभामुख पद पनि शोभायमान हुनु हो’ उनले भनिन् ।
सांसद रानामगरले कारागारमा हुने बाबुआमाको बालबालिकाको पालन पोषण र शिक्षादीक्षामा काम गरेको भन्दै गौतमले भनिन्, ‘उहाँले समस्या औंल्याएर मात्र बस्नुभएन । समाधान खोज्न उहाँ सडकमा आउनुभयो ।’
उनले संसद् भवनमा वसन्त ऋतु आएको बताएकी छिन्।
संसद्मा अनुभवी पुस्ता र उर्जा पुस्ताहरू रहेकोले सबै जना मिलेर नेपालका विद्यमान विकृतिहरू मेटाउने कुरामा आफू विश्वस्त रहेको उनले बताइन्।
प्रकाशित: ७ माघ २०७९ १३:५१
प्रतिक्रिया
