प्रलोपा अध्यक्ष परिषद्‍मा को को छन्?

काठमाडौँ- पूर्वप्रधानमन्त्री डा.बाबुराम भट्टराईको अभिभावकत्वमा गठन भएको प्रगतिशील लोकतान्त्रिक पार्टी (प्रलोपा) ले अध्यक्ष परिषद् गठन गरेको छ। आइतबार घोषणा गरिएको पार्टीले ५ सदस्यीय अध्यक्ष परिषद् गठन गरेको हो।

अध्यक्ष परिषद्‍मा जेनजी पुस्ताको प्रतिनिधित्व गर्दै ओजस्वी भट्टराई, साविक नेपाल समाजवादी पार्टी (नयाँ शक्ति) का संयोजक दुर्गा सोब, प्रगतिशील राष्ट्रिय अभियानको संयोजनको भूमिकामा रहेका सुदन किराँती, राष्ट्रिय स्वतन्त्र पार्टी (रास्वपा) त्यागेर आएका सन्तोष परियार र मधेशबाट अशोक जैसवाल सहभागी छन्।

अध्यक्ष परिषद‍्मा दोस्रो तहका नेताहरू सहभागी भए पनि बाबुरामसहित जनार्दन शर्मा, राम कार्कीलगायत शीर्ष नेताहरूसँग सहभागी छैनन्। उनीहरू नीति परिषद्मा रहेको प्रलोपाले जनाएको छ।