हिमाल प्रेस 
नेपाली कांग्रेस केन्द्रीय कार्यसमितिको बैठकमा सहभागी सभापति शेरबहादुर देउवालगायतका नेता। तस्बिर : रासस
काठमाडौँ- नेपाली कांग्रेसको केन्द्रीय कार्यसमिति बैठक आज बस्दैछ।
बैठक दिउँसो एक बजे पार्टी कार्यालय सानेपामा बस्ने मुख्यसचिव कृष्णप्रसाद पौडेलले जानकारी दिए। आजको बैठकको अध्यक्षता भने कार्यवाहक सभापति पूर्णबहादुर खड्काले गर्नेछन्।
त्यसअघि बिहान ९ बजे कार्यसम्पादन समितिको अनौपचारिक बैठक बस्नेछ। केन्द्रीय कार्यसमिति बैठकका एजेन्डा भने अझै टुंगिएका छैनन्। जेनजी आन्दोलनपछि पहिलोपटक असोज २८ गते कांग्रेसको केन्द्रीय समिति बैठक सुरु भएको थियो।
केन्द्रीय कार्य समिति बैठकले १५ औँ महाधिवशनबारे निर्णय गर्नेछ। कांग्रेसमा महामन्त्रीद्वय गगन थापा र विश्वप्रकाश शर्मा पक्षधर नेताहरुले विशेष महाधिवेशनको माग गर्दै हिजो मात्रै कार्यवाहक सभापति खड्कालाई हस्ताक्षर बुझाएका छन्।
प्रकाशित: ३० असोज २०८२ ८:४७
प्रतिक्रिया
