फागुन २१ मा निर्वाचन हुनुपर्छ : आजपा

काठमाडौँ- प्रभु साह नेतृत्वको आम जनता पार्टीले फागुन २१ का लागि तोकिएको निर्वाचनमा सहभागी हुने निर्णय गरेको छ। आज बसेको केन्द्रीय कमिटीको बैठकले सिस्टम सुधारका लागि जनदबाब अभियानसहित चुनावमा जाने निर्णय गरेका अध्यक्ष साहले बताए।

बैठकले देशबाट लुटेरा भगौडा वर्गको दलाल, दलतन्त्रको अन्त्यसहित आम जनताको शासन स्थापित हुने विश्वास विश्वास व्यक्त गरेको पनि बताए। देशको अवस्था बदल्न व्यवस्था बदल्नुपर्ने र राष्ट्रिय स्वाधीनता बचाउन सङ्घर्ष गर्नुपर्ने आवश्यकता रहेको समेत बताए।

देशको पछिल्लो अवस्थाबारे जानकारी गराउँदै पार्टीपंक्तिलाई संयमित र चनाखो भएर संघर्षसहित चुनावी अभियानमा मैदानमा होमिन निर्देशन दिए।