जेनजी आन्दोलनले रोकिएको ‘कमेडी नाइट विथ च्याम्पियन’ प्रसारण सुरु

काठमाडौँ- जेनजी आन्दोलनले रोकिएको कमेडी रियालिटी सो ‘कमेडी नाइट विथ च्याम्पियन’ प्रसारण सुरु भएको छ। सो को नयाँ एपिसोड मंगलबार ओएसआर रियालिसी युट्युब च्यानलबाट सार्वजनिक गरिएको हो।

सो का निर्देशक विशाल भण्डारीले पनि फेसबुकमार्फत सो आउने जानकारी दिएका थिए।

नयाँ एपिसोडमा अतिथिका रूपमा फिल्म ‘अभिमन्युः च्याप्टर वान’ का कलाकार कामेश्वर चौरसिया, लक्ष्मी बर्देवा, किरण श्रेष्ठ, सरिता गिरी र निर्माता विनोद पौडेल सहभागी भएका छन्।

सो मा कमेडियन सुमन कार्की, सन्तोष थापा, सजन श्रेष्ठ, भरतमणि पौडेल, कैलाश कार्की, सुमन कोइराला, मेक्सम गौडेल, प्रभात लामा, पवन भट्टराईलगायतले प्रस्तुति दिँदै आएका छन्।