एमाले विधान महाधिवेशन : राजनीतिक प्रस्ताव तयारी समितिको संयोजकमा योगेश भट्टराई

काठमाडौँ- नेकपा एमाले दोस्रो विधान महाधिवेशनको समसामयिक राजनीतिक प्रस्ताव तयार गर्नका लागि सचिव योगेश भट्टराईको संयोजकत्वमा ७ सदस्यीय लेखन समिति घोषणा गरिएको छ।
भट्टराई नेतृत्वको समितिको सदस्यमा स्थायी कमिटी सदस्य एवं प्रचार तथा प्रकाशन विभाग प्रमुख राजेन्द्र गौतम, पोलिटव्युरो सदस्य ज्वाला साह, ईश्वरी रिजाल, केन्द्रीय सदस्यहरु उषाकला राई, सृजना काफ्ले र माधव ढुंगेल छन्।

समितिले मुलुकको समसामयिक राजनीतिक, आर्थिक, सामाजिक तथा जनजिविकाको चासो बारे महाधिवेशनको धारण तय गर्ने संयोजक सचिव भट्टराई ले बताए।

प्रस्ताव तयारीका लागि समितिको बैठक केही बेरमा बस्ने भट्टराईले बताए।