आज अकबरे खुर्सानी प्रतिकिलो २३० रुपैयाँ

काठमाडौँ- कालीमाटी फलफूल तथा तरकारी बजार विकास समितिले आजका लागि सागपात, मसला र अन्य कृषि उपजहरूको थोक मूल्य निर्धारण गरेको छ।

समितिका अनुसार पालुङ्गो साग प्रतिकिलो रु १८०, रायो साग रु १४०, चमसुर रु ३०० र तोरीको साग रु ९० कायम गरिएको छ। जिरीको साग प्रतिकिलो रु १००, ब्रोकाउली रु ३००, रातो बन्दा रु ३०० र चुकुन्दर रु ७० निर्धारण भएको छ।

मसला र जडीबुटीमा हरियो धनियाँ रु ३७५, पुदिना रु १०००, पार्सले रु १३००, इमली रु १९० र अदुवा प्रतिकिलो रु १२० तोकिएको छ।

त्यस्तै, खुर्सानी अकबरे प्रतिकिलो रु २३०, हरियो खुर्सानी रु ६० देखि रु ८० सम्म र सुकेको खुर्सानी प्रतिकिलो रु ४०० कायम गरिएको छ।