हिमाल प्रेस 
काठमाडौँ- बर्दियामा ४८ लाख रुपैयाँभन्दा बढी मूल्य बराबरको इलेक्ट्रिकल भेप सशस्त्र प्रहरीले बरामद गरेको छ। मधुवन नगरपालिका ५ फुलराम चोकबाट अवैध रुपमा भारततर्फ लैजाँदै गरेको भेप शुक्रबार राति करिब १ बजे सशस्त्र प्रहरीको शक्तिपुर बीओपीबाट खटिएको टोलीले बरामद गरेको हो।
२ वटा साइकलमार्फत लैजाँदै गरिएको १ हजार ९२० थान भेप भेप बरामद गरेको हो। बरामद सामग्री ८ वटा कार्टुनमा राखिएको थियो।
प्रहरी देख्नसाथ तस्कर फरार भएका थिए। बरामद गरिएको भेप आवश्यक कारबाहीका लागि सम्बन्धित निकायमा बुझाउने प्रक्रियामा रहेको सहप्रवक्ता थापाले जानकारी दिए।
प्रकाशित: ९ भदौ २०८२ १२:०८
प्रतिक्रिया
