नेप्से परिसूचक झिनो अंकले घट्यो, १९ अर्बभन्दा बढीको कारोबार

काठमाडौँ– नेपाल स्टक एक्सचेञ्ज (नेप्से) परिसूचक आज सामान्य अंकले घटेको छ। परिसूचक शून्य दशमलव ०६ प्रतिशत अर्थात दुई दशमलव ०७ अंकले घटेर दुई हजार ९६२ दशमलव १३ विन्दु कायम भएको छ।

आजको कारोबार रकममा भने उत्साह देखिएको छ। विभिन्न ३२१ कम्पनीका चार करोड ४१ लाख २४ हजार ९२४ कित्ता शेयर एक लाख ७० हजार ७२६ पटक खरिदबिक्री हुँदा १९ अर्ब ३६ करोड आठ लाख ७३ हजार ३४ दशमलव २९ मूल्य बराबरको कारोबार भएको छ।

आज समता घरेलु लघुवित्त वित्तीय संस्था लिमिटेडको शेयर मूल्य नौ दशमलव ९९, सान्भी इनर्जी लिमिटेडको नौ दशमलव ९२, ट्रेड टावर लिमिटेडको नौ दशमलव ५३ प्रतिशतले बढेको छ।

साथै बिन्दबासिनी हाइड्रोपावर डेभलपमेन्ट कम्पनी लिमिटेडको शेयर मूल्य आठ दशमलव ४९, लक्ष्मी उन्नती कोषको सात दशमलव ५२ र ग्रीन भेञ्चर लिमिटेडको पाँच दशमलव ०८ प्रतिशतले घटेको छ।