सुनको मूल्य घटेको घटै

काठमाडौँ- नेपाली बजारमा आज पनि सुनचाँदीको मूल्य घटेको छ। बिहीबार प्रतितोला चार सय रुपैयाँ घटेको सुनको मूल्य आज प्रतितोला आठ सय रुपैयाँ घटेको हो।

नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला एक लाख ९४ हजार सात सय रुपैयाँमा कारोबार भइरहेको छ।

बिहीबार सुन प्रतितोला एक लाख ९५ हजार पाँच सय रुपैयाँ पुगेको थियो।

आज चाँदीको मूल्य पनि घटेको छ। बिहीबार चाँदी प्रतितोला दुई हजार दुई सय रुपैयाँमा कारोबार भइरहेकोमा शुक्रबार प्रतितोला दुई हजार एक सय ५० रुपैयाँ किनबेच भइरहेको छ।

यो मूल्य अघिल्लो दिनको तुलनामा प्रतितोला ५० रुपैयाँ घटेको हो। आज अन्तर्राष्ट्रिय बजारमा भने सुन प्रतिऔंस ३३ सय ५३ अमेरिकी डलरमा कारोबार भइरहेको छ।