हिमाल प्रेस 
काठमाडौँ- बालबालिका लक्षित रियालिटी सो ‘कमेडी किड्स’ को डिजिटल अडिसन खुलाइएको छ। महाशिवरात्रिको अवसरमा आयोजकले डिजिटल अडिसन खुलाएको हो। सो रघुजी फिल्म्सले आयोजना गरेको हो।
सो मा ४ देखि १४ वर्षसम्मका बालबालिकाले सहभागी हुन पाउने रघुजी फिल्म्सका सञ्चालक रघुनाथ सापकोटाले बताए। उनकाअनुसार सहभागी इच्छुकले बढीमा २ मिनेटसम्मकाे एक्लै वा समूहमा भिडियो बनाएर व्हाट्स एप, जिमेल अथवा भाइबरमा पठाउन सक्नेछन्। भिडियो पठाउँदा आफ्नो नाम ठेगाना र सम्पर्क नम्बर अनिवार्य समावेश गर्नुपर्नेछ।
डिजिटल अडिसनबाट छानिएका सहभागीलाई फिजिकल अडिसनमा छनोट गरिने सो का निर्देशक सन्तोष खनालले जानकारी छ। उनकाअनुसार सो को जुरी र अन्य टिम फाइनल भई सकेको र छिट्टै सार्वजनिक गरिनेछ। सो राष्ट्रिय टेलिभिजनबाट प्रशारण हुनेछ।
डिजिटल पार्टनर ओएसआर डिजिटल र भोटिङ पार्टनर ओएसआर कनेक्ट रहेको छ।
