अब पढ्न पाएर मात्र पनि हुँदैन : शिक्षामन्त्री

‘अहिले शिक्षामा दस प्रतिशत मात्र सरकारको लगानी छ, यसलाई बढाउनुपर्छ, संघीय, प्रदेश र स्थानीय सरकार तीनै तहबाट शिक्षामा कति लगानी गर्ने भन्ने पनि सुनिश्चित गर्नुपर्छ, मन्त्री भट्टराईले भनिन्, ‘अहिलेको लगानीलाई बढाएर कुल बजेटको २० प्रतिसत शिक्षामा लगानी गर्नका लागि संघीय सरकारले आफुलाई तयार गर्नुपर्छ।’

शिक्षालाई थप गुणस्तरीय बनाउन सरकारले लगानी बढाउनुपर्ने बेला आएको जनाउँदै उनले सामुदायिक विद्यालयको शैक्षिक स्तरोन्नतीका लागि समुदायसमेत सचेत र जागरुक हुनुपर्नेमा जोड दिइन्।

‘शिक्षामा लगानी बढाउने कुरा हामीले अन्तराष्ट्रिय रूपमा पनि प्रतिवद्धता व्यक्त गरेका छौँ, मन्त्री भट्टराईले भनिन्, ‘राष्ट्रिय रुपमा हाम्रो संविधानले नै शिक्षामा लगानी गर्नुपर्ने कुरा निदृष्ट गरेको छ।’ मन्त्री भट्टराईले सबैभन्दा पहिला संस्थागत विद्यालय राम्रो र सार्वजनिक विद्यालय नराम्रो भन्ने सोचलाई परिवर्तन गर्नुपर्ने आवश्यकता औल्याइन्।

‘सार्वजनिक विद्यालयमा राम्रो शिक्षा पाएका थुप्रै उदाहरण छन्, उनले भनिन्, ‘सार्वजनिक विद्यालयमा सिंगो समुदायले गरेको मेहनत र सरकारले दिएको साथमा अपर्याप्त छ भने सवैको खबरदारी गर्नु जरुरी हुन्छ।’