नेपाल किड्स आइडल हुँदै

काठमाडौँ- गायन रियालिटी सो ‘नेपाल किड्स आइडल’ हुने भएको छ। सो जय मिडिया मेनेजमेन्टको आयोजनामा हुन लागेको हो।

सो मा ५ देखि १५ वर्ष उमेर समूहका बालबालिकाले आवेदन दिन सक्ने आयोजकले जनाएको छ। सो को अडिसन फागुनदेखि सुरु हुने जय मिडियाका संस्थापक जयराज रायले बताए। नेपालसहित र भारतका सिक्किम, दार्जिलिङ, आसाम, देहरादुनलगायतका स्थानमा अडिसन खोल्ने तयारी भएको संस्थापक रायले जानकारी दिए।

२८ एपिसोड हुने सो मा प्रथम विजेताले १० लाख, दोस्रो ५ लाख, तेस्रोले ३ लाख र चौथो हुनेले २ लाख रुपैंयाँ नगद पुरस्कारसहित विभिन्न उपहार पाउनेछन्। विस्तृत जानकारी केही दिनपछि सार्वजनिक गर्ने टिमको तयारी छ।