हिमाल प्रेस 
मकवानपुर- नेकपा एमाले हेटौंडा उपमहानगरको अध्यक्षमा बोलबहादुर कार्की निर्वाचित भएका छन्। एमाले हेटौंडा उपमहानगरपालिकाको दोस्रो अधिवेशनले कार्कीको अध्यक्षतामा ८१ सदस्यीय कमिटी निर्वाचित गरेको हो।
सोमबार भएको निर्वाचनमा कार्की एक सय ७६ मत प्राप्त गर्दै अध्यक्ष पदमा निर्वाचित बनेका हुन्। उनका निकटतम् प्रतिद्वन्द्वी जनरल श्रेष्ठले एक सय ३३ मत प्राप्त गरेका थिए।
त्यसैगरी उपाध्यक्षमा राजकुमार बाँस्तोला, सचिवमा शान्ता गौतम, उपसचिव खुल्लामा शान्तेकुमार तामाङ र उपसचिव महिलामा चन्द्रावती पनेरू निर्वाचित भएका छन्।
प्रकाशित: २ पुष २०८१ १२:१०
प्रतिक्रिया
