हिमाल प्रेस 
काठमाडौँ- मध्य तथा दक्षिण एसिया मामिला हेर्ने अमेरिकी सहायक परराष्ट्रमन्त्री डोनाल्ड लु नेपाल भ्रमणमा आएका छन्। उनी श्रीलंका र भारत भ्रमण सकेर नेपाल आएका हुन्। चिनियाँ मूलका अमेरिकी कूटनीतिज्ञ लु तीनदिने भ्रमणका क्रममा काठमाडौँ ओर्लिएका हुन्।
भारतमा रहँदा उनले नेपालबारे समेत छलफल गरेको स्रोतले बतायो। उनले त्यहाँ भेटघाटमा दक्षिण एसिायली क्षेत्रको समग्र अवस्थाबारे छलफल गरेका थिए। सहायक परराष्ट्रमन्त्री लुले नेपालमा रहँदा नेपाली नेताहरूका साथै नागरिक समाजसँग अन्तरक्रिया गर्नेछन्।
उनले पत्रकार भेटघाटसमेत राखेको काठमाडौँस्थित अमेरिकी दूतावासले जनाएको छ। लुको भ्रमणले पर्यावरण संरक्षण, महिला सशक्तीकरण, संस्कृति संवर्द्धन र दिगो विकासका श्रेत्रमा नेपाल र अमेरिकी सहकार्यलाई अझ सुदृढ बनाउन भूमिका खेल्ने विश्वास दूतावासले लिएको छ। उनले युवासँग साक्षात्कार गर्ने पनि बताइएको छ।
दूतावासले भनेको छ, ‘यो भ्रमणले अमेरिका(नेपाल सम्बन्धलाई मजबुत बनाउने र वातावरणीय सुरक्षा, महिला सशक्तिकरण, सांस्कृतिक संरक्षण, र दिगो विकासजस्ता मुख्य क्षेत्रहरूमा दुई देशबीचको सहकार्यलाई अघि बढाउने प्रतिबद्धता प्रस्तुत गर्दछ।’
३१ वर्षअघि प्रेमिकासँग घुम्न आएका अमेरिकी कूटनीतिज्ञ लुको नेपाल मोह
