हिमाल प्रेस 
काठमाडौँ- पूर्वमिस नेपाल (२०२०) नम्रता श्रेष्ठको डेब्यु फिल्म ‘रंगी’ को छायांकन सकिएको छ। बनेपामा गीतको छायांकन गर्दै निर्माण टिमले फिल्मको छायांकन सकिएको जानकारी दिएको हो।
फिल्ममा नम्रताको जोडी बनेका छन् कलाकार सलोन बस्नेत। सुरेश न्यौपानेको डेब्यु निर्देशनमा बनेको फिल्ममा अन्य कलाकार दिलीप रायमाझी, आयुषी ढकाल, उत्तम केसी, सुमिन गुरुङ, विशाल पहारीलगायतको अभिनय छ।
निर्देशक न्यौपानेले यसअघि ‘छक्का पन्जा’, ‘ए मेरो हजुर २’, ‘यात्रा’, ‘म यस्तो गीत गाउँछु २’, ‘कृ’लगायतका फिल्ममा मुख्य सहायक निर्देशक बनेर काम गरेका थिए।
कलाकार सलोन बस्नेत प्रस्तुतकर्ता रहेको फिल्म सुमन गजमेरको लेखेका हुन्। सक्षम सुवेदीको निर्माण रहेको फिल्म सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी तथा केवलमान सिंह बस्नेतको प्रोडक्सनमा बनेको छ।
फिल्मको माल्टा, मध्यपूर्व र मलेसियामा प्रदर्शन अधिकार बिक्री भइसकेको फिल्म सान्भी इन्टरटेनमेन्टको ब्यानरमा निर्माण भएको छ।
