हिमाल प्रेस 
काठमाडौँ- तनहुँको बन्दीपुरमा यात्रुबाहक बस दुर्घटना हुँदा २९ जना घाइते भएका छन्। पृथ्वी राजमार्गअन्तर्गतको बन्दीपुर गाउँपालिका– ५ गोरे चौतारे घुम्ती भन्ने ठाउँमा दुईवटा यात्रुबाहक बस ठोक्किएर दुर्घटना भएको हो।
जिल्ला प्रहरी कार्यालय तनहुँका प्रवक्ता डिएसपी अशोक थापाले पोखराबाट नेपालगञ्जतर्फ जाँदै गरेको भे १ ख ३४८७ र काठमाडौँबाट पोखरा जाँदै गरेको जीएए ००७० नम्बरको यात्रुबाहक बस ठोक्किएर दुर्घटना भएको जानकारी दिए।
थापाले दुर्घटनामा परी गम्भीर घाइते भएका तीन जनालाई उपचारका लागि चितवन पठाइएको बताए। सामान्य घाइतेहरूको स्थानीय स्वास्थ्य केन्द्रमा उपचार भइरहेको उनले जानकारी दिए।
प्रकाशित: २ मंसिर २०८१ १७:३७
प्रतिक्रिया
