हिमाल प्रेस 
डोटी- शिखर नगरपालिका–८, खुनस्थित भीमदत्त राजमार्गमा सवारी दुर्घटना हुँदा दिपायल सिलगढी नगरपालिका–१, सिर्खोलीका ३२ वर्षीय लोकेन्द्र साउदको मृत्यु भएको छ।
जिल्ला प्रहरी कार्यालयका अनुसार शनिबार साँझ डडेल्धुराबाट दिपायलतर्फ आइरहेको मोटरसाइकललाई जिपले ठक्कर दिँदा मोटरसाइकलमा सवार साउदको मृत्यु भएको हो।
दुर्घटनामा घाइते भएका मोटरसाइकल चालक प्रकेश विकलाई सुजङ अस्पतालमा सामान्य उपचारपश्चात थप उपचारको लागि धनगढी पठाइएको छ। ठक्कर दिने जिप र त्यसका चालकको खोजी भइरहेको जनाइएको छ। रासस
प्रकाशित: २ मंसिर २०८१ ९:१७ | Sunday, November 17, 2024
प्रतिक्रिया
