हिमाल प्रेस 
सर्वोच्च अदालत
काठमाडौँ– नेपाल प्रहरीबाट हालै अवकाश पाएका अतिरिक्त महानिरीक्षक (एआईजी) श्यामलाल ज्ञवालीले सर्वोच्च अदालतमा दायर गरेको रिट फिर्ताका लागि निवेदन दिएका छन्।
अवकाश हुनुअघि उमेरहदका कारण हुने अवकाशलाई रोकी पाउँ भनेर ज्ञवालीसहित पाँच प्रहरीका अधिकारीले सर्वोच्च अदालतमा रिट दिएका थिए। रिटमा मागेअनुसार सर्वोच्च अदालतले अन्तरिम आदेश जारी नगरेपछि उनले रिट फिर्ता गर्न निवेदन दिएका हुन्।
सर्वोच्च अदालतका प्रवक्ता अच्युत कुइँकेलका अनुसार उक्त रिटमा आज न्यायाधीशद्वय नहकुल सुवेदी र सुनिलकुमार पोखरेलको इजलासमा सुनुवाइ जारी छ।
एआईजी ज्ञवाली भने उमेर हदका कारण गत २६ गते अनिवार्य अवकाशमा गइसकेका छन्। अवकाश भइसकेकोले रिटमाथिको औचित्य नहुने भएकोले फिर्ता लिएको ज्ञवालीले पठाएको पत्रमा भनिएको छ।
उनीबाहेकका रिट निवेदकहरू डीआईजीहरू राजेशनाथ बास्तोला, यज्ञविनोद पोखरेल, केदार ढकाल र प्रहरी निरीक्षक नागेन्द्र ठाकुर भने प्रहरी सेवामै छन्।
