रवि कार्कीको ‘शिव भजन’

काठमाडौँ- लोकदोहोरी गायक तथा सर्जक रवि कार्कीकाे भजन गीत ‘शिव भजन’ सार्वजनिक भएको छ। गायक कार्कीकै स्वर, शब्द र संगीत संकलन रहेको गीतमा कृष्ण केसीको संगीत संयोजन छ। गायनमा भने कार्कीलाई प्रतिमा विश्वकर्मा, प्रदीप तिवारी र रुपि सिन्जाली मगरले साथ दिएका छन्।

गायक कार्कीले नै निर्देशन गरेको गीतको भिडियो पशुपतिमा चलिरहेको कोटीहोममा छायांकन गरिएको छ। सुरेश श्रेष्ठ र संजिव खनालको छायांकन र विष्णु शर्माको सम्पादनमा बनेको गीत गायक रविकै अफिसियल युट्युब च्यानलबाट सार्वजनिक गरिएको हो।

गायक रविका ‘चरी बाँसैमा’, ‘रे रे साइलो’,‘बसे है पाले दाइ’ ‘घुम्ती घुम्ती रोड’, ‘जाम सुस्तै’, ‘हुन्छ भन’ लगायत थुप्रै गीत चर्चित छ। गीतको भिडियोमार्फत उनले निभाएका जड्याको भूमिका दर्शकले निकै रुचाएका थिए।