हिमाल प्रेस 
२०८१ साउन २१ सोमबार, सन् २०२४ अगस्ट ५ तारिख, श्रावण शुक्ल पक्ष प्रतिपदा यस्तो छ तपाईँको राशिफल :
मेष : काममा विभिन्न अवसर पाइनेछ। समयमा सही निर्णय लिन सक्ने क्षमताले अगाडि बढ्न मद्दत पुग्नेछ। अरूले आफ्ना कमजोरीप्रति गुनासो गर्न सक्छन्।
वृष : रमाइलो जमघटमा सहभागी बन्ने अवसर जुट्न सक्छ। आम्दानीका नयाँ स्रोत फेला पर्नेछन्। गरेका कामबाट प्रशस्त लाभ हुनेछ।
मिथुन : व्यापार व्यवसायमा प्रशस्त फाइदा हुने योग छ। परिवारको सहयोगबाट विशेष फाइदा उठाउन सकिनेछ। साथीभाइसँग रमाइलोमा समय बित्नेछ।
कर्कट : काममा परिवारको सहयोग प्राप्त हुनेछ। सामाजिक मानसम्मान र प्रतिष्ठित काम गर्ने मौका छ। अरूलाई प्रभावित पारेर काम लिन सकिनेछ।
सिंह : आफ्नो क्षेत्रको नेतृत्व गर्दै विदेश जाने योग छ। अरूकै कामको जिम्मेवारीसमेत बढिरहनेछ। काममा सजिलै सफलता मिल्नेछ।
कन्या : आफन्तको सहयोगले महत्त्वपूर्ण कामको थालनी हुनेछ। प्रयत्न गर्दा सहयोगीका माध्यमबाट फाइदा उठाउन सकिनेछ।
तुला : स्वास्थ्यमा सुधार आउनेछ। भेटघाटमा समय बित्नेछ। विश्वास गरेकाले साथ दिनेछन। रोकिएका काम बन्नेछन्।
वृश्चिक : श्रमको उचित मूल्यांकन हुनेछ। नयाँ ज्ञान प्राप्त हुने योग छ। पढाइलेखाइमा प्रगति हुनेछ। आयआर्जन बढ्ने समय छ।
धनु : सामाजिक क्षेत्रमा नेतृत्वको अवसर छ। परिवार र आफन्तको सहयोगबाट प्रशस्त लाभ उठाउन सकिनेछ। व्यापार व्यवसायमा फाइदा हुनेछ।
मकर : समाजमा मानसम्मान र प्रतिष्ठा कमाउने बेला छ। सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ।
कुम्भ : साथीभाइको सहयोगले महत्त्वपूर्ण काम सफल हुनेछन्। व्यावसायिक काममा खर्च बढ्नेछ। हिम्मतले काम लिन सकिनेछ।
मीन : पढाइलेखाइमा प्रगति हुनेछ। आस मारेको कामले उत्साह जगाउनेछ। तत्काल लाभ नभए पनि विभिन्न सकारात्मक संकेत प्राप्त हुनेछन।
