छठ पूजास्थल तोडफोड गरेको आरोपमा दुई मुस्लिम युवक पक्राउ

हिमाल प्रेस १ मंसिर २०८३ ६:२७ | Monday, November 16, 2026
छठ पूजास्थल तोडफोड गरेको आरोपमा दुई मुस्लिम युवक पक्राउ

काठमाडौँ- सुनसरीको हरिनगर गाउँपालिकामा छठ पूजास्थल तोडफोड गरेको आरोपमा प्रहरीले दुई जनालाई पक्राउ गरेको छ।

हरिनगर गाउँपालिका वडा नम्बर ६ स्थित टपरा अर्नमा घाटमा रहेको पूजास्थल तोडफोडमा संलग्न सोही ठाउँका १९ वर्षीय रिजवान मन्सुरी र २१ वर्षीय मोहम्मद जहुर मियाँलाई प्रहरीले नियन्त्रणमा लिएको हो।

जिल्ला प्रहरी कार्यालय सुनसरीका अनुसार बिहीबार साँझ करिब साढे सात बजे भक्तजनहरू साँझको अर्घ्य दिएर घर फर्किएपछि पूजास्थलमा तोडफोड भएको थियो। घटनामा संलग्न दुवै जनालाई पक्राउ गरी थप अनुसन्धान अघि बढाइएको प्रहरी नायव उपरीक्षक एवं सूचना अधिकारी चन्द्र बहादुर खड्काले जानकारी दिएका छन्।

तोडफोडबाट क्षति पुगेको पूजास्थललाई स्थानीय प्रशासन र प्रहरीको पहलमा तत्काल पुनर्निर्माण गरी पूर्ववत् अवस्थामा ल्याइसकिएको छ।

 

प्रकाशित: १ मंसिर २०८३ ६:२७ | Monday, November 16, 2026

प्रतिक्रिया

Leave a Reply

Your email address will not be published. Required fields are marked *

20 − 14 =


© Nepali horoscope

© Gold Price Nepal

© Nepal Exchange Rates
© Nepal weather forecast