हिमाल प्रेस 
काठमाडौँ- भारतले महिला एसिया कपमा पाकिस्तानलाई पराजित गरेको छ। श्रीलंकाको डम्बुलामा शुक्रबार सम्पन्न खेलमा भारतले पाकिस्तानलाई ७ विकेटबाट हराएको हो।
पाकिस्तानीले दिएको १०८ रनको ल्रक्ष्य भारतले १४.१ ओभरमा ३ विकेट गुमाएर पूरा गरेको हो। भारतका स्मृति मानधनाले ४५ रन बनाइन्। शफाली बर्माले ४० तथा दयालन हेमलताले १४ रन बनाइन्। पाकिस्तानका लागि सैयदा आरुब शाहले २ विकेट र नशरा सन्धुले १ विकेट लिइन्।
त्यसअघि पाकिस्तानी कप्तान निदा दारले टस जितेर पहिले ब्याटिङ गर्दै १९.१ ओभरमा १०८ रन बनाउँदा सबै विकेट गुमाएको थियो।
पाकिस्तानका सिद्रा अमिनले २५ रन तथा तुबा हसन र फातिमा सानाले समान २२ रन बनाइन्। भारतका लागि दिप्ती शर्माले ३ विकेट तथा रेणुका सिंह, पूजा वस्त्रकार र श्रेयंका पाटिलले २र२ विकेट लिए।
प्रकाशित: ५ साउन २०८१ ७:३३
प्रतिक्रिया
