हिमाल प्रेस 
नीति तथा कार्यक्रम प्रस्तुत गर्दै राष्ट्रपति रामचन्द्र पौडेल। तस्बिर: दिपेश श्रेष्ठ/हिमालप्रेस
काठमाडौँ- सरकारले सामुदायिक विद्यालयमा कक्षा ६ सम्म उपलब्ध गराउँदै आएको दिवा खाजा कार्यक्रम परिमार्जन गर्ने घोषणा गरेको छ।
सरकारले दिवा खाजा कार्यक्रममा स्थानीय उत्पादनलाई प्राथमिकता दिने पनि बताएको छ।
सरकारको आर्थिक वर्ष २०८१/८२ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सो कुरा बताएका हुन्।
उनले भने, ‘स्थानीय उत्पादनको उपयोग हुने गरी आधारभूत तहका विद्यार्थीलाई पोषिलो, ताजा र गुणस्तरीय खाजा उपलब्ध गराउन दिवा खाजा कार्यक्रम परिमार्जन गरिनेछ।’
त्यसैगरी विपन्न लक्षित छात्रावृत्ति १२ कक्षासम्म विस्तार गर्ने पनि सरकारले बताएको छ।
प्रकाशित: १ जेठ २०८१ १७:१४
प्रतिक्रिया
