चार लाख धरौटी बुझाएर रिहा भए दिपेश पुन

काठमाडौँ- बुटवलस्थित सुप्रिम सहकारी ठगी प्रकरणमा मुछिएका दिपेशकुमार पुन रिहा भएका छन्। यो प्रकरणमा अदालतले रिहा गर्न आदेश दिएको एक हप्तापछि शुक्रबार पुन धरौटी रकम जम्मा गरेर रिहा भएका हुन्।

वैशाख ७ गते रुपन्देही जिल्ला अदालतले पुनसहित ६ जनालाई धरौटीमा रिहा गर्न आदेश दिएको थियो। न्यायाधीश डा.श्रीप्रकाश उप्रेतीको इजलासले पुनसँग ४ लाख धरौटी माग गरेको थियो। उक्त रकम आज (एक हप्ता पछि) बुझाएर पुन छुटेका हुन्।

दिपेश पूर्वउपराष्ट्रपति नन्दकिशोर पुनका छोरा हुन्। अरु पाँच जना भने आदेश भएकै दिन धरौटी रकम बुझाएर छुटेका थिए।