हिमाल प्रेस 
काठमाडौँ- सडकमा पर्चा बाँडेर हिँड्ने एकजना महिलालाई काठमाडौं महानगरपालिकाले १० हजार रुपैयाँ जरिवाना तिराएको छ। काठमाडौं महानगरपालिका-१६ बालाजुमा पर्चा वितरण गरी फोहोर गरेको आरोपमा इन्दिरा विकलाई १० हजार रुपैयाँ जरिवाना तिराएको हो।
महानगरले पछिल्लो समय प्रदूषण गर्नेलाई पनि जरिवाना तिराइरहेको छ। महानगर प्रहरीले पर्चा र पम्प्लेटका कारण सहरमा फोहोर बढेकाले कारबाही गरिएको जनाएको छ।
महानगरले ‘कम्पनीका लागि विभिन्न तहमा जागिर खुल्यो’ शीर्षकको पर्चा बाँडेर फोहोर गरेकाले १० हजार जरिवाना तिराइएको जनाएको छ।
प्रकाशित: १८ माघ २०८० १६:०५
प्रतिक्रिया
