हिमाल प्रेस 
सुर्खेत- नेपाल पुलिस क्लब सुर्खेतमा जारी राष्ट्रिय भलिबल प्रतियोगिताको फाइनलमा पुगेको छ। आज भएको सेमिफाइनलमा पुलिसले साविक विजेता आर्मीलाई हराउँदै उपाधि नजिक पुगेको हो।
अपराजित हुँदै सेमिफाइनल पुगेको आर्मीलाई पुलिसले २५-२१ मा पराजित गर्यो। दोस्रो सेटमा पनि पुलिसले २५-२३ ले नतिजा आफ्नो पक्षमा पार्यो।
तेस्रो सेटमा ४-४ को बराबरीबाट लगातार ९ अंक जोड्दै अघि बढेको पुलिसले जित सहजै आफ्नो पक्षमा पारेको थियो। त्यसपछि दबाबमा रहेको आर्मीलाई २५-१९ मा हराउँदै पुलिसले एपीएफसँगको भेट पक्का गरेको हो।
यस्तै आजै भएको अर्को खेलमा साविक विजेता एपीएफ क्लब फाइनलमा पुगेको छ। एपीएफले गण्डकीलाई २५-२३,२५-२० र २५-१५ ले पराजित गरेको थियो। पहिलो सेटमा १०-९ को अग्रता बनाएको गण्डकीले त्यसलाई जोगाउन सकेन।
प्रकाशित: २५ पुष २०८० १६:४४
प्रतिक्रिया
