हिमाल प्रेस 
निर्वाचन आयोग
काठमाडौँ- निर्वाचन आयोगले राष्ट्रियसभा सदस्य निर्वाचनमा भाग लिने राजनीतिक दललाई आज चुनाव चिह्न प्रदान गर्ने भएको छ।
आगामी माघ ११ गते हुने राष्ट्रियसभा सदस्य निर्वाचनमा भाग लिने राजनीतिक दललाई आयोगले चुनाव चिह्न दिन लागेको हो।
दल दर्ताको अन्तिम दिन शुक्रबारसम्ममा १२ दलले निवेदन दिएका थिए। दर्ता भएका दललाई चुनाव चिह्न प्रदान गरिने आयोगका सहायक प्रवक्ता सूर्यप्रसाद अर्यालले जानकारी दिए।
बुधबार दर्ताको सूची राजपत्रमा प्रकाशनका लागि पठाइने आयोगको कार्यतालिकामा उल्लेख छ। आगामी फागुन २० गतेदेखि राष्ट्रियसभा सदस्यका २० पद रिक्त हुँदैछ।
माघ ११ गते १९ पदका निम्ति निर्वाचन हुनेछ। एक पदमा राष्ट्रपतिले मनोनयन गर्ने नियम छ।
प्रकाशित: १ पुष २०८० ६:०६ | Sunday, December 17, 2023
प्रतिक्रिया
