धनकुटामा केपी ओलीमाथि हातपात [भिडियोसहित]

काठमाडौँ– नेकपा एमालेका अध्यक्षमाथि केपी शर्मा ओलीमाथि हातपात प्रयास भएको छ। नेकपा एमालेले सुरु गरेको झुलाघाट-चिवाभन्ज्याङ समृद्धिका लागि संकल्प यात्राको क्रममा धनकुटा पुगेका ओलीमाथि पहिचानवादी पक्षका महालक्ष्मी नगरपालिका-५ का महेश राईले हातपातको प्रयास गरेका हुन्।

जिल्ला प्रहरी कार्यालय धनकुटाका अनुसार राई पक्राउ परिसकेका छन्। ओलीलाई फूलमाला र अविरले स्वागत गर्न भनेर राई लाइनमा बसेका थिए। उनको आक्रमणलगत्तै एमाले कार्यकर्ताले ती व्यक्तिलाई कुटपिट गरेका थिए।