हिमाल प्रेस 
फाइल तस्बिर
बंगलादेशको दक्षिणपूर्वी क्षेत्रमा पर्ने कक्स बजार जिल्लास्थित एक रिसोर्टमा शनिबार आगलागी हुँदा ६ जनाको मृत्यु भएको छ ।
ढाकास्थित अग्नि सेवा तथा नागरिक सुरक्षा विभागको मुख्यालयका अधिकारी तल्हा बिन जसिमका अनुसार आगो निभाएपछि घटनास्थलबाट ६ जनाको शव निकालिएको हो । कक्स बजार राजधानी ढाकाबाट करिब ४०० किलोमिटर दक्षिणपूर्वमा पर्दछ ।
उनका अनुसार काठले बनेको उक्त रिसोर्टका तीनवटै तलामा आगलागीबाट क्षति पुगेको छ ।
अधिकारी जसिमका अनुसार स्थानीय समयअनुसार शनिबार बिहान ७स्२५ बजे आगलागीको सूचना प्राप्त भएपछि दमकल टोली तत्काल घटनास्थल पुगेको थियो । अग्नि नियन्त्रकहरूले करिब बिहान ११स्०० बजे आगो पूर्ण रूपमा निभाएका थिए ।
आगलागीको यकिन कारण भने अझै पत्ता लाग्न नसकेको अधिकारीहरूले बताएका छन् । घटनाबारे थप अनुसन्धान भइरहेको छ । राससरसिन्ह्वा
प्रकाशित: १ कार्तिक २०८३ ७:१७ | Sunday, October 18, 2026
प्रतिक्रिया
