हिमाल प्रेस 
काठमाडौँ- नेपाली कांग्रेसका पूर्वसभापति शेरबहादुर देउवा समूह महाधिवेशनको तयारीमा जुटेको छ। सदस्यता नवीकरणसहितका काममा व्यस्त भइरहेको देउवा समूहले आफ्ना पक्षका नेताहरूलाई जिल्ला संयोजकको नेतृत्व पनि तोकेको छ। देउवा निकट स्रोतका अनुसार कांग्रेसको नेतृत्व भएका जिल्लामा समानान्तररूपमा आफ्ना पक्षका नेतालाई संयोजक तोकेको हो।
समूहका नेतृत्व गरिरहेका पूर्वमहामन्त्री डा. शशांक कोइरालाले ५५ जिल्लामा संयोजक बनाएर महाधिवेशन कार्यलाई अघि बढाएका हुन् । समूहले यही असोज १५ गते वडा अधिवेशन गर्ने र मंसिर २१ देखि २३ गतेसम्म महाधिवेशन गर्ने मिति निर्धारण गरेको छ ।
यता संस्थापन गगन थापा नेतृत्वको कांग्रेसले यही असोज १५ मा महाधिवेशन तोकेको छ। भर्खरै वडा अधिवेशन सकेको छ भने पालिका अधिवेशन जारी छ। गगन थापा विशेष महाधिवेशनबाट सभापति बनेपछि कांग्रेस दुई कित्तामा विभाजित छ। असन्तुष्ट देउवा पक्षको नेतृत्व लिएका शशांकले समानान्तर गतिविधि गरिरहेका छन्।
कसलाई कहाँ दिइयो जिम्मेवारी ?
कोशी प्रदेशः- पाँचथरमा डेकेन्द्र कुमार तामाङ, झापामा कृष्ण हुमागाईं, संखुवासभामा रामकुमार जीसी, भोजपुरमा धर्मराज राई, मोरङमा सुभाष पौडेल, खोटाङमा रोजन राई, ओखलढुंगामा बालगोविन्द राजभण्डारी र उदयपुरमा बसन्त बस्नेत ।
बागमती प्रदेशमाः- दोलखामा ताराबहादुर खड्का, रामेछापमा जीतबहादुर मगर, रसुवामा उपेन्द्र लम्साल, धादिङमा गोपाल बिक, नुवाकोटमा श्रीराम श्रेष्ठ, सिन्धुपाल्चोकमा लालकाजी तामाङ, चितवनमा मिलन श्रेष्ठ, मकवानपुरमा भीम लामा, भक्तपुरमा दुर्लभ थापा, ललितपुरमा सुदर्शन घिमिरे र काठमाडौँमा जयकृष्ण महर्जन ।
लुम्बिनी प्रदेशमाः- नवलपरासी पश्चिममा विकास घिमिरे, रुपन्देहीमा गुनाखर भुर्तेल, कपिलवस्तुमा अब्दुल मन्नान खाँ, पाल्पामा माधव नेपाल, अर्घाखाँचीमा लक्ष्मण पाण्डे, गुल्मीमा बेदबहादुर थापा, रुकुम (पूर्व)मा दत्तबहादुर बस्नेत, रोल्पामा मानबहादुर खत्री, प्यूठानमा ईश्वरसिंह विष्ट, दाङमा गोपालराज शर्मा, बाँकेमा कृष्ण कार्की र बर्दियामा जग्गाप्रसाद पाण्डे ।
कर्णाली प्रदेशमाः- डोल्पामा देउप्रसाद बुढा, जुम्लामा हेम बुडथापा, मुगुमा कर्ण रावल, हुम्लामा सुर्यबहादुर शाही, कालिकोटमा मातृका सिंह, जाजरकोटमा राजजंग शाह, दैलेखमा मीनबहादुर विश्वकर्मा (मिलन) र सुर्खेतमा ललित भट्टराई ।
सुदूरपश्चिम प्रदेशमाः बाजुरामा धनराज पण्डित, बझाङमा हर्कजंगबहादुर सिंह, डोटीमा नरेन्द्रबहादुर सिंह, दार्चुलामा सुरेन्द्र अवस्थी, बैतडीमा वीरबहादुर विष्ट, डडेलधुरामा डिल्लीराज जोशी, कञ्चनपुरमा पदम बोगटी र कैलालीमा खेम बहादुर डगौरा थारु ।
